豐盛居筍租盤益好客

而唔少地產代理行亦爭住招兵買馬同開分行，置業18區智禮昨日同Vincent報喜話，公司啱啱連環投得兩個有利的商場舖位開新分行，包括信置（00083）嘅荃灣荃新天地2期，以及尖沙咀港景匯商場一個約2,000方呎大舖，相信該舖仲會成為公司最大嘅分行，預計可以容納3至4組員工。

住宅租金不斷升，筍租盤自然買少見少，不過，中原李世強話，入伙無幾耐嘅長沙灣豐盛居，近日就錄得一單筍租盤個案，一專業人士以月租1.08萬元租咗個低層D室，呎租僅16.1元，比同類型單位月租平咗一成，在現時市場缺租盤嘅情況下，可以話較少見，原來單位嘅業主係在今年六月一手買入，原計劃自住，但最終決定放租，碰巧遇到個好租客，所以寧願平租少少，但租金回報率都有4.4厘，算係唔錯。

（Vincent Lau）