內地股市昨日急瀉，上證指數失守2,700點關，收報2,667點，而且整個八月累計跌幅更加高達22%，創下去年十月以來最大嘅單月跌幅。中央重提宏調措施，消息加重市場對後市嘅憂慮，於是造成無形嘅拋售壓力。但財政部就表示，中央積極財政政策及適度寬鬆貨幣政策配合，下一步將致力擴大內需，增強經濟增長拉動力。故尋日各板塊中，百貨股表現尚算過得去。
睇番內地嘅豬肉價格已連續十星期上升，累計漲幅高達23.1%，而雞蛋價格亦連續五周上揚，累升6.2%。眼見食品價格上漲，唔知會唔會惹來市場對相關股份嘅憧憬，對食品股帶來一定嘅追捧。之不過，若然糧食價格上升得過快或過急，而不加以好好壓抑，最後難免帶嚟通脹嘅壓力。
（小尾）