本文重點
相中呢兩個可愛小女孩咁似樣，究竟邊個先係僑豐期貨業務發展董事總經理林賽盈（Mandy）細個時嘅樣呢？答案係左面嗰位。Mandy話，家姐Kelly大佢一歲，細個時兩姊妹乜都要爭一餐，仲成日向爸媽爭寵，所以張相睇到，兩姊妹戴嘅帽都要一樣。但係大個咗，兩姊妹感情要好，之後一齊到加拿大升學時都互相照顧，不過由於當時大家都唔係太識煮飯，結果就算煮咗啲好難食嘅餸，都要頂硬上食落肚。Mandy話依家煮簡單嘅餸菜難唔到佢，最拿手係煲羅宋湯。
熟商品期貨助揀股
大學畢業後，Mandy冇揀到佢認為較刻板嘅銀行工作，而選擇咗千變萬化嘅商品市場，佢話基礎就係咁樣打好嘅。依家唔少大型股份都離唔開資源類，佢喺商品期貨方面出身，自然對分析呢啲股份大有幫助。
余絲韻