尋日中港兩地大市，於尾段力挽狂瀾，上證企穩2,900點樓上收市，而恒指最後亦只係跌100點，收報20,435點。不過，大市成交就繼續有下跌迹象，尋日就跌至565億元。似乎股友們對呢個「蠱惑」的市，都頗有保留，寧願企，都唔想坐。
講開上證指數，尋日佢個走勢似足玩過山車。有人話上證尾段之所以升得番上去，就要全靠石化雙雄，中石化（00386）及中石油（00857）臨尾做番好。之不過，市場亦有傳，係與市場憧憬成品油價格有望於本周上調有關。
中國水泥產能過剩問題日趨嚴重，尋日市傳工信部正擬定「水泥行業准入條件」，令昨日一眾水泥股均見受壓。據知，在初稿中，市場所關注的停批新線政策將會較預期中嚴厲，故小尾認為，水泥股於短期內仍持續有沽壓，要小心啦。
（小尾）