深信管理團隊「夠照」

總裁崔健波解釋，楊國強目前身在順德，佢唔係有乜嘢要務纏身或者頭暈身㷫，只因為佢覺得公司嘅管理團隊好掂，深信佢哋有足夠能力及經驗滿足記者提問及要求，所以就決定唔落嚟同大家見面喎。

楊國強認真低估咗自己嘅魅力嘞！打從碧桂園上市開始，楊生一直都係鎂光燈嘅追蹤目標，由造就愛女楊惠妍做中國女首富，到其後傳出佢想入主TVB、接手中國最大爛尾盤荷蘭村以至到台灣發展，圍繞楊生嘅新聞可謂未停過。所以佢每次現身業績會總會有一大班記者圍住，其他管理層又點能夠代替佢呢？再者大部分優質公司嘅最高領導人都唔吝嗇喺業績會上同公眾交流，希望楊生以後唔好再缺席業績會喇，避免惹來無謂揣測嘛！

余絲韻