隔晚道指雖然微升3點收市，不過仍是連升五個交易日，而內地自從擔心收緊銀根後，上證指數反覆從高位回落兩成，期內縱使有反彈，但跌勢仲較反彈兇，昨日一度跌過170點，跌幅接近6%，雖然尾市跌幅大為收窄，全日仍要跌2.5%收市。上證指數弱勢，令早段低開的港股增添沽壓，恒指曾大跌過392點，尾市低位急抽，最後只跌100點收市，報收20,435點，而國指則跌48點收市，報11,654點，惟交投疏落，主板成交降至565億元。
大市轉靜，就連衍生市場成交亦報跌，牛熊證已跌至62億元水平，輪場亦只有66億元，大市無波幅卻急升暴跌，兩邊挾倉意味濃厚，炒輪炒牛熊證均難搵食。雖然大市似無法突破橫向形態，但這種形態難於長期維持，估計在期指結算後，將有新形態發展，不過周五前，大市難免會在20,000點至20,700點之間上落，如果覺得九月大市會回落，不妨把握每次反彈養熊之機會，眾多熊證中，新地（00016）熊證有一定吸引力，早前借賣樓成績出色，新地炒上110元之上，不過近期已勉強企於110元之上，一旦大市轉勢，新地回試100元不足為奇，不妨考慮新地瑞銀熊證65403，收回價123.88元，溢價2.7%，提供4.7倍槓桿。
（Handsome哥）