港股大吹無定向風，忽跌忽升全無路捉，自傳出內地「查帳」傳聞後，即使指數仲有反彈，但股仔都唔見咩炒風。市場觀望情緒極濃，成個市無晒炒味。唔少鑊鏟友開始離場休戰，再係咁發展，遲早悶瓜個市，屆時要搵食就更係難上加難。
現在進入業績期，交唔交到成績表，直接關乎下半年公司嘅股價表現，上禮拜公布業績嘅上海電氣（02727），未出業績前股價先行腳軟，由4元散落3.3元，結果業績只係倒退11%，好過市場預期，加上六月後內地用電量回復正增長，唔少醒目錢率先炒下半年定單大增，而個圖表回升走勢變得好靚，加上有意發行7億股A股，夠晒炒味自然吸引唔少鑊鏟友落場。睇走勢可坐五望六，3.25元守得幾穩，可作為止蝕位。
古晨