Bill話一個國家嘅汽車究竟係左軚定右軚，同佢哋嘅體系好有關係，如果有皇室，當地就多數揸右軚車，所以日本、英國、丹麥都係，香港延續英國傳統，所以都係揸右軚車。咦！點解有皇室嘅地方就要揸右軚呢？佢話因為皇室要同人唔同嘛！佢又話，各地車廠嘅零件壽命唔同，好似美國咁，啲零件用到3年，而日本就可以用6年。

拆廢車回收零件

啲汽車報廢唔要點樣處理？Bill話佢公司已獲美、日等地嘅供應商每年出口75萬台報廢汽車，公司會將之拆解，然後回收零件同埋鐵、銅等資源。拆解生產線明年七月可以投產，第一年可拆解13萬至17萬架車，仲要大概投資多1.5億元，不過已經問銀行攞咗2.2億至2.5億元貸款額，所以唔怕冇水。佢仲話，希望年半後開多兩條生產線，將總處理量提升至60萬台。

余絲韻