尋日大市一跌，恒指收市就唔見咗755點，當中更曾一度低見20,058點；上證指數更甚，失守了3,000點關口唔在講，更加跌至2,870點。雖然呢一跌，可能會嚇窒了唔少人，但係就認為未致於震到個市散咗。此話何解？
唔知大家尋日有冇留意到，雖然尋日午市回來，上證的跌勢拖累港股跌幅加劇，不過相比起八月七日當天，尋日買盤仍算積極，市場上的股份亦未至於一跌不可收拾。
至於諗住在炒業績帶動下，有望重上90元的中移（00941），尋日由於有券商估其中期盈利增幅將顯著放緩至1.5%至4.1%，至556億至571億元人民幣，故沽壓強勁，股價最低曾見過83.6元添。聽日係光大證券A股上市的日子，希望市場資金唔會只集中在光證身上，以致其他股份無甚表現啦。
（小尾）