顏寶鈴話想當年有唔少內地人來港做生意，佢哋認為香港遍地黃金，希望可以喺呢度賺第一桶金，佢兩夫婦亦唔例外，除咗想賺第一桶金外，仲想飛黃騰達，所以公司名就叫「飛達」。由於佢哋生產帽品，所以加上「帽業」呢兩個字，以反映公司係做帽品生意。

顏寶鈴enjoy四圍巡

佢又話，今年公司全力發展內地零售市場，現時佢要走勻內地各省各市，親自巡店舖，與加盟商傾生意，了解市場環境，令佢諗起當年創業嘅辛酸史，雖然周圍去好辛苦，但佢仍然好享受，事關佢喜歡同人傾偈，可以一次傾十幾個鐘。

余絲韻