絲絲記得之前傳出中投以二點二一億英鎊收購全球最大酒商——英國酒商帝亞吉歐公司（Diageo）百分之一點一股權，之後又話擺烏龍，最近亦有傳中投有份競投德國保時捷車廠股權。

另傳購美住房按揭

如果傳聞係關於金融行業、地產以至實業，可信性可能高啲，但投資電影製作，仲話中投公司已開始與持有大量媒體股份嘅兩家美國私人資本公司進行談判，談判至少涉及一家荷里活電影製作公司，呢個消息真係好難令絲絲相信。

另外，尋日仲有個消息話，中投計劃通過參與美國財政部旗下公私合作投資計劃（ＰＰＩＰ），購入二十億美元嘅美國住房按揭證券。

今年初時，美國財政部設立ＰＰＩＰ項目，做法係由美國政府設立數家公私合營嘅投資基金，聯合納稅人金錢及私人資本以收購高達四百億美元銀行有毒資產。對於呢個較為「正常」嘅投資，中投都係唔評論。

余絲韻