另亦有新盤買家趁市旺，將物業拎去拍賣場試價，忠誠今日會拍賣九龍城豪門1期中層B室，面積1,163方呎，開價718萬元，同業主舊年一手購入價一樣。而本月底亦都有一個上水御景峰中低層E室拍賣，開價222萬元。

台北環亞14層售23億

台灣樓市穩步上升，加強唔少財團嘅信心。Vincent收到風，台北市環亞大樓共14個樓層，包括商場及寫字樓等，放盤唔夠兩個星期即刻賣出，作價約3.04億美元（折約23.56億港元），聽負責做到呢單大刁嘅第一太平戴維斯講，是次係今年以來整個台灣市場規模最大嘅單一投資交易，而新買家係富邦人壽。

環亞大樓位於台北市南京東路與敦化北路口，包括嘅環亞生活購物廣場係台灣七○年代知名百貨公司之一，總建築面積超過45萬方呎。

（Vincent Lau）