咁又難怪，皆因細心的股友們，於過去兩個交易日，相信都應該留意到大市有一個共通點，就係成個市況都係先後靠中移（00941）以及滙控（00005）來作支撐，此舉令人聯想到，有人希望托住個市，方便走貨。果真如此，股友們真係要打醒十二分精神啦，皆因市場資金一撤離，料港股調整幅度勢再加劇。

再講，繼滙控打開業績期序幕後，本周唔少大藍籌都陸續公布業績，好似港交所（00388）、長實（00001）、和黃（00013）、平保（02318）及港鐵（00066）等，故認為大市焦點仍落在藍籌身上。

（小尾）