微型馬達生產商德昌，是全球手屈一指的汽車業主要馬達部件供應商，過去兩年北美汽車業不振，但汽車業重組在去年海嘯期間全面展開，近期已見復甦迹象，配合大中華汽車市場的持續需求，主要原材料銅價由○七、○八年高位大幅回落，德昌已度過行業最艱難的時刻。

大行估計，德昌動用8,000萬美元進行重組，難免令今明兩年純利會受重組開支影響走低，但對長遠產品毛利卻是有所得益，業績在一一年之後會出現倍數的回升。大行深信兩三年內業績可回復舊觀，目前估值應該仲有相當大的水位，長揸短炒都咁適合。

配腳方面，選汽車股駿威（00203）及吉利汽車（00175）。今年差不多過了三分之二，而駿威期間的汽車銷售一直都符合市場估計，雖然今年業績好大機會沒有爆炸性增長，但勝在令人失望的機會極低，相對上比較穩陣。吉利下月八日會出中期業績，近幾個星期開始偷步掃高，由1.4元直逼2元水平，短期稍微回吐，乘着汽車股強勢，相信短期再突破2元機會唔細。

帥哥