尋日港股反覆上落，恒指先升後跌，再升再跌，及後在滙控（00005）力挺低下，最終得以拉平，以不多於1點跌幅收市。指數權重股滙控做好，成為尋日港股回穩的功臣。幸好恒指全日上落波幅只約300點，否則牛仔熊仔都將會同時遭殃。
至於個別類型股份的表現，由於有大行唱好內地電訊、紙業以及百貨股，因此呢幾類股份尋日齊齊做好。不過，講開大行報告，摩根士丹利在其中一份報告話，認為由於內地資金過度充裕，為可以洩洪，估計國家或轉而放寬內地資金投資境外的監管，故「直通車」效應或會重現咁話。小尾相信短期難免會為市場惹來一番憧憬，故在市場板塊輪流炒底下，投資者確實不妨多加留意一些AH差價較大的股份，話唔定，呢排又會有一番炒作。
（小尾）