本文重點
大市氣勢如虹，直撲二萬點，股民無不金睛火眼
住個股市，偏偏魚缸就傳出，在昨日早上，一家大型資訊供應商向部分客戶（據聞係數家電視台）提供的報價服務出現中斷，搞到公仔箱散戶有如熱鍋中的螞蟻，未能在大升市中及時睇到報價，電視台方面亦都好緊張，急急追查發生甚麼事。
住個股市，偏偏魚缸就傳出，在昨日早上，一家大型資訊供應商向部分客戶（據聞係數家電視台）提供的報價服務出現中斷，搞到公仔箱散戶有如熱鍋中的螞蟻，未能在大升市中及時睇到報價，電視台方面亦都好緊張，急急追查發生甚麼事。
投訴增 秒秒都係錢
由於報價中斷只影響部分客戶，其他客戶好似經紀行等就無出現問題，加上電視台的報價好快就回復正常，所以事件未致鬧大，港交所（00388）只要求有關大型資訊供應商提交報告解釋情況。
但金占士同一些相熟經紀行傾過，發現近期多了客戶投訴資訊供應商報價慢。雖然話報價慢的程度，只是一秒甚至只有半秒，但對於職業炒家或者股民都係好大件事，所謂秒秒鐘都是錢。
經紀行仲話呢個「慢機」情況，自從港交所提升系統功能後就時有發生，不知是否交易所不斷提升系統，但資訊供應商的系統就未能同步配合。經紀仲嘆息話，市況轉旺，資訊供應商生意多了，但系統服務情況就沒有多大改善！金占士記得，港交所每次提升系統功能都有市場演習，除了經紀行外，資訊供應商都要配合，點解仍出現「慢機」，有關方面可能要睇睇！
金占士