新名稱Fit晒業務

話說天衣無縫嘅典故係來自仙女着嘅天衣，唔使針線縫合，無縫線，比喻為做事無瑕疵。無縫綠色話想做到呢一點，凡事都要完美，而公司名有「綠色」二字，原因好簡單，公司做節能路燈，即係環保，而綠色正係代表環保。佢哋話新公司名可以反映公司嘅業務，公司連英文名都改埋，叫做「Seamless Green China」。

呢間公司計劃喺中國各大城市推廣節約能源路燈，同時會加快替換喺中國嘅路燈。喺六月份，佢哋已經與四川省道路照明簽咗合作協議，喺四川省內受到地震影響嘅城市，包括都江堰市及綿陽市安裝節能路燈。

余絲韻