補價上訴快慢任定

陳坤興話，今次獎勵計劃設十三個獎項，獎品總值達二萬六千元，包括六星級酒店自助晚宴、三千元名店購物券等；其中「爆數分行」大獎嘅得獎指標，係月內最高業績、又突破三百萬元生意額嘅分行，而香港寫字樓（一）團隊嘅生意額逾五百萬元，更加係超額完成。

政府近年致力加快補地價申請程序所需嘅時間，所以先後推出咗補地價第二次上訴及第三次上訴嘅加快指引，Vincent以為有得加快申請，個個發展商一定都會用，但有發展商老友話，原來除咗以「快線」申請外，地政總署亦維持有「慢線」（即根據舊有嘅申請程序），兩者嘅申請處理時間大約相差一至兩個月，至於發展商想排快線定慢線，只要在申請時講明就得，令到申請嘅彈性大咗，發展商就可以因應本身對後市嘅睇法同需要做決定，相信可以有助爭取較有利嘅補地價金額。

（Vincent Lau）