放棄本科投金融界

Peter係港大理學士畢業，主修嘅係當時最有「錢途」嘅石油化工專科。點解咁講？因約在七九年時，政務主任（AO）嘅月薪係4,000元，但喺跨國公司做石油化工分析，月薪就有2,000美元（約15,600元）。不過唔知係咪「唔係你財，唔入你袋」，Peter畢業之際正遇上石油危機，油價喺高位輾轉向下，入行薪酬相應縮水，佢只好「放棄」所讀，加入滙豐，好彩最終都喺金融界扶搖直上。

五歲時嘅Peter已經一表人才！	閒時遨遊出海，鬆弛身心，清醒頭腦。	Peter讀港大時參加校內歌唱比賽，攞到優異獎。

Peter興趣廣泛，結他、壁球、游水等都難唔倒佢，養馬、出海更係「高級玩意」，閒時佢都會幫手搞慈善活動。就算依家由朝做到晚，佢都堅持每晚邊睇美股，邊喺跑步機上跑40分鐘，以保持充沛體力應付每日嘅挑戰。佢兩個仔正喺英國分別攻讀碩士同大學本科，Peter提起佢哋都甜絲絲。

黎永良Profile

年齡：51歲

現職：星展唯高達證券董事

學歷：香港大學理學士

偶像：周恩來、鄧小平

余絲韻