本文重點
醞釀咗好耐嘅人民幣跨境貿易結算今個禮拜終於起動，絲絲揭開報紙，喺本周一甚至更早嘅時候，已見到唔少銀行賣「行」晒全版廣告，大事宣傳一番，印證咗香港作為國際金融中心嘅「快、狠、準」。尋日有唔少銀行仲做埋短期總結，好似交行（03328）咁，放埋榜宣布自己今次考到「七個A」添。
呢「七個第一」分別係第一家配合監管部門進行研究嘅銀行、做咗第一筆跨境人民幣結算業務、首家提供跨境貿易人民幣進口結算服務嘅銀行、首家提供代理清算服務嘅境內代理行、首家收到境外銀行嘅跟單信用證、首家提供全面結算嘅銀行以及首家喺所有試點提供服務嘅銀行。
招行首3日做9單
交行今次嘅行動又真係好快，同香港分行嘅配合唔在講，同老拍檔滙豐合作做，又印證埋策投嘅效果。另一邊廂，招行（03968）頭3日亦都做咗9單結算，仲話自己拔得粵港首單結算嘅頭籌添。
余絲韻