經過上周急插後，港股於17,800點初現支持，昨日雖然有唔少股仔反彈，但市場反應都係麻麻地，相反啲半新股就愈炒愈熱，無他嘅，啲半新股上市後畀大戶收一輪貨，貨源歸邊，自然好炒。
經濟好，中國人自然最想置業，內地今年樓價就一直上升，去年話啲內房企業有樓賣唔出，現時就驚無樓賣，個個盤一推就賣個滿堂紅，中渝置地（01224）本身係重慶市房地產龍頭，上周剛宣布同新中（00917）合作，一齊發展重慶渝北區10號地塊的豪華酒店與高級服務式公寓項目。中渝手上持有唔少靚地，今次成功引入資金發展，對未來發展好大幫助，難怪股價亦準備炒起，以二線內房計，有一定值博率，向上先睇7元，止蝕位放於4.8元。
古晨