近日，利好內地樓市的消息真係源源不絕，好似尋日深圳市國土房產局就公布，自去年十二月以來，深圳市新建住宅價格一直回升，至今年五月成交平均價已達每平方米1.255萬元人民幣，創下六個月以來新高，較去年同期上漲14%。不過，計一計數，內房股已累積一定升幅，先唔好講到底有否出現泡沫，純講走勢，可再炒上空間亦屬有限，部分股份尋日亦見回落添，所以要留意啦。
講番大市，尋日港股表現認真唔掂，恒指高開後無力再上，最終全日倒跌200點，收報18,178點。不過，上證指數則愈升愈有，自日前升破3,000點大關後，尋日再續升勢，升52點，收報3,060點。
個股方面，尋日有傳成渝（00107）已獲准發A股，刺激其股價升9.68%，收報3.51元。但若消息屬實，集團真的能夠成為首隻回歸A股的H股，料及後會續有追捧。
（小尾）