一如早前預期，市場資金明顯流入新股身上，好似尋日才首日上市的中金屬（00773）以及興利（00396）收市亦分別錄得22%及39.21%的升幅，至於尋日開始招股的霸王（01338），消息指，首日IPO已超購逾四十倍，有證券商更預期明日便會借爆孖展添，認為犀利。
勢頭咁勁，小尾都專登走去銀行拎番本招股書睇一睇，不過，小尾想睇的並不是公司過往業績，亦唔係財務資料，反而係集團的廣告宣傳費用。一睇之下，雖然並唔係天文數字，但廣告及推廣上的費用亦唔嘢小，分別達1.59億及1.79億元，兩項支出已佔總收益的24%！
尋日內地消息指，內地六月份信貸重拾升勢，故內銀股亦先後被炒上，當中就以交行（03328）表現最為突出，全日最高曾升逾7%。此外，新能源股、資源股、本地地產以及內房股也見追捧㗎。
此外，中央林業工作會議尋日就在北京召開，令市場憧憬林業振興規劃將有望出台，既然細價股要抖氣，大市走勢亦無大方向下，不妨多望一眼。
（小尾）