呢班員工個個都係戰績彪炳嘅代理人，每年美國萬通亞洲都會帶出色嘅員工去旅行，原定今年八月去比利時、荷蘭及法國，不過因為豬流感，班管理層都仲諗緊點做，負責揸旗仔嘅蕭莉玲話依家仲係十五十六，未決定個團搞唔搞。

退休後使費減一成

美國萬通亞洲最近做咗個調查，有兩成受訪者話，金融海嘯令佢哋退休年齡押後6年，退休後使費都因為經濟差咗要減一成。絲絲即刻問蕭莉玲佢退休打算要留幾多錢先夠使，答案令人羨慕，原來佢不時雙倍或以上咁上調退休目標金額，依家已經係邁進緊第三個目標。嘩，睇嚟蕭莉玲退休後嘅生活質素應該超高！

蕭莉玲推介年金做退休產品，仲話佢哋今年頭5個月年金生意額增加咗一倍，而壽險及醫療保險亦分別升咗三成及三成幾。

余絲韻