本文重點
貴為全球首富蓋茨嘅父親，威廉蓋茨（Bill Gates Sr.）如何打造個仔成為科學巨子，當然人人想知，最近蓋茨同老父齊齊喺巴黎旅行之餘仲接受訪問，蓋茨話現時同老父齊齊為慈善基金工作。佢又話從父親收到嘅最佳建議，就係被鼓勵去做唔在行嘅事，例如各式各樣嘅運動。
股神啟導將事情簡化
蓋茨話呢啲睇嚟無用嘅事情，卻令佢學識領導才能及個人長短，唔會只做「舒服」嘅事，直到今時對一啲運動反而熱愛起來。佢還說家庭傳統習慣大家走埋一齊，無論旅行或吃飯時，都彼此分享溝通，呢點令自己日後與其他成年人交談時有充足準備，因為早已習慣咁樣嘅環境。蓋茨老父談論教仔秘方時，話最佳秘方係與子女同行，同時鼓勵子女去做正確事情，最重要係永不貶低（Demean）自己嘅子女。
貴為蓋茨啟導者嘅股神巴菲特，蓋茨亦話由股神嗰度獲取好多意見，自己對股神最有興趣嘅地方係將事情簡化，巴菲特個人嘅日曆好簡單，若你同股神講生意，佢只睇幾個數字及事實，亦會用上完全可以估計到嘅模型去推論，總之只會專注可以成事嘅地方上。
余絲韻