多事之秋大把手尾跟

八月份到期嘅係掌管企業融資部嘅何賢通、掌管市場監察部嘅雷祺光；法規執行部嘅施衛民喺九月到期；營運總裁簡俊傑就喺十月到期。另外，證監會主席方正嘅任期亦喺今年十月十九日屆滿。雖然佢哋獲續約嘅機會好大，但可以咁講，證監會未來嘅人事安排會成為各界焦點，尤其係雷曼迷債事件仍然未解決，唔少執董要被召出席立法會聆訊，個別執董亦要處理雷曼迷債和解事宜，以及研究改善監管制度事宜等。

兩非執董11月亦到期

好似韋奕禮今日就會首次出席立法會雷曼小組聆訊，證監會上下無不嚴陣以待作出配合，何賢通亦已預期喺七月出席聆訊。

順帶一提，證監會兩名非執行董事陳鑑林及鄭維志亦喺今年十一月任期到。睇嚟負責任命嘅政府都幾頭痕！

講番雷曼迷債和解，尋日有消息話銀行願意賠六成，高齡更可賠七成。絲絲聽聞話有銀行更可賠到八成，但證監會仍然唔接受，以十成為目標，大家即管今日聽吓韋奕禮喺立法會有無嘢講！

余絲韻