教育退休人士理財

尋日適逢係五大強積金受託人之一嘅銀聯信託十周年酒會，有去趁熱鬧嘅絲絲就收到呢個風，咁究竟乜嘢叫第三齡？原來就係由工作或家務崗位退下嘅人。學院院長兼銀聯信託董事總經理及行政總裁劉嘉時話，無論點樣投資都係要靠自己，所以自己學習就最緊要！

學院會同其他社福機構合作，為呢班第三齡嘅人士提供有關財務管理、退休策劃同基本投資嘅課程。

講番個酒會，可以話係星光熠熠，好多銀行家都有嚟捧場，絲絲仲撞到永亨銀行（00302）主席兼行政總裁馮鈺斌，當然即刻問吓佢點睇依家個市啦，佢話「最壞嘅時間已經過去」，依家賣盤都仲係繼續做緊，不過生意就會多啲向內地發展，前排先喺珠海開設分行，佢話最好每年都開一間。

余絲韻