雖然絲絲未聽過佢哋嘅歌，但見佢哋有主音、又有鼓手，相信都係以搖滾樂為主。原來呢支國泰機師樂隊早喺○七年成立，當時仲參加過公開比賽，之後就為本地音樂製作人熟悉。根據佢哋主音Nick話，約喺10個月之前開始構思推出新碟計劃。

但講到會唔會放棄機師工作，全身投入音樂，Nick就話唔會，名與利唔係樂隊目的，不過有得出碟當然開心。絲絲心諗，依家國泰推出咗無薪假計劃，佢哋大可以積極參與，可以留得住份工，又有大把時間玩音樂啦。

唔會放棄機師工作

佢哋嘅樂隊名稱其實都有啲意思，「Helium 3」係一種核能源，叫作「氦3」，唔會釋放核輻射嘅能源，喺月球有大量「氦3」，足夠提供人類8,000年能源。

余絲韻