「阿里唔使我投資」

索羅斯近日喺內地演講，一路講到去杭州，佢喺演講前應馬雲嘅邀請，去到阿里喺杭州嘅公司總部參觀，而且索羅斯仲係以朋友身份參觀阿里總公司添。被問到會唔會投資阿里時，索羅斯竟然好肯定話，「阿里巴巴發展得已經夠好，唔需要我投資。」唔知馬雲聽到之後有乜感覺呢？

至於馬雲同索羅斯係點識？內地媒體就話，八年前嘅一個冬天，馬雲喺達沃斯經濟論壇上就「企業社會責任」嘅主題發言，其獨到嘅見解令索羅斯對佢印象好深，大家可算係識英雄重英雄。聽講今次索羅斯喺杭州演講，平日低調嘅馬雲竟然坐咗喺第一排，佢仲講笑話由於同索羅斯已經太熟，所以唔會舉手提問喎！

余絲韻