本文重點
股神巴菲特和微軟創辦人蓋茨都係名人，不過股神嘅簽名似乎值錢過蓋茨，絲絲點知？事緣上個禮拜美國內布拉斯加州舉行一年一度嘅牛仔舞會，喺呢個慈善活動上，有股神簽名嘅一雙牛仔靴，慈善拍賣拍到2,700美元，而蓋茨簽名嗰對皮靴就只拍到2,100美元。
呢個牛仔舞會已經搞咗11年，宗旨係推廣牛肉是健康料理，同時為保健研究籌募資金，而剛好今年嘅主題叫做「給癌症一腳」（Give Cancer the Boot），配合主題有「名靴拍賣」籌款活動。
拍賣簽名皮靴籌款
今年因有股神嘅贊助而令牛仔舞會嘅拍賣活動生色不少，喜愛食牛排嘅巴菲特，除咗簽咗個人大名外，仲喺一隻皮靴上寫上「我愛牛肉！」，莫非係咁樣令對靴拍得更好價錢？其實股神每年出席佢主持嘅巴郡股東會時，都會特地光顧位處股東會舉行地方嘅奧瑪哈牛排館。
余絲韻