尋日內地財政部及稅務總局頒布「關於進一步提高部分商品出口退稅率的通知」，表明已獲國務院批准，提高部分商品的出口退稅率，並將於本月開始實施。翻查過去資料，今次已是過去十個月內，內地第七次上調出口退稅率，而且是次退稅範圍以及加度更較過去六次都要大添，因此尋日一眾相關股份已被炒上。
不過，恒指就出現一個倒V，加上藍籌股走勢偏軟，此情此景，實在令人擔心港股及後將無力再上，而掉頭回落。之但係細價股仍繼續炒個不停，二十大升幅榜中，升幅最小的一隻都有22%，相信短期內，都仍是炒股唔炒市的世界。
反而值得一提是，本周內地就會公布五月份主要經濟數據，好似生產物價指數以及消費物價指數，都將會係最先公布的指標。之前好多人都話，內地經濟開始回暖，又話內地今年第二季的GDP將較第一季大幅增長，故今次公布的數據實在值得投資者憧憬一下。尋日上證指數就仍然上升14點，收報2,768點，到底乘着今次內地經濟數據的推出，A股能否借勢再度上揚呢？咁就要好好留意公布數據喇。
（小尾）