大市升到你唔信，市場愈觀望，大市愈抽上，其實上周三及周五，大市成交均逾900億元，在大量熱錢流入下，大市的確回頭太難。昨日升勢開始流向大價落後股，而且愈落後升勢愈急，古晨就認為資金都係逐個板塊炒，相信炒完落後股，又會輪到股仔發威。
過去一周，唔少股仔進行整固，雖然表面動力轉弱，但股價愈升愈高其實並無沽壓，只係未夠鐘開車而已，好似前周炒到熱爆嘅香港資源（02882），過去七日牛皮非常，而且成交大幅縮減，係典型嘅高位整固格局。
香港資源自獲得四叔入股支持後，股價愈炒愈高，每次整固完後又再炒上，近日股價在1.6至1.7元橫行多日，似要等消息爆上。集團購金至尊業務一事快落實，以走勢計應隨時再開車，此類消息股一旦開車，其爆炸力不容忽視，現價買入，第一站目標先睇2.2元，如果股價一旦跌穿1.5元，才作止蝕離場。
古晨