上周五港股雖有所反彈，但恒指在17,000點前受阻，及後升幅收窄，最終全日都只係升得249點，而成交金額亦回落至580億元左右，市場資金繼續炒作落後細價股。
上個禮拜國際油價一度重上每桶60美元，令市場再度揣測成品油價將上調，對此發改委表示，雖然一切尚未落實，但重申成品油價將盡快上調，呢個答案似有還冇，但總之要發出嘅訊息就係「仲未有得加」!
不過，天然氣加價方案就有望快將落實，皆因內地就有報道引述國家發改委官員指，天然氣漲價方案已正式上報。難怪早前一眾燃氣股，好似港華燃氣（01083）、新奧燃氣（02688）及中國燃氣（00384）等都錄得不俗升幅，相信今日將會續有炒作。
另外，繼上周國務院發布「關於支持福建省加快建設海峽西岸經濟區的若干意見」後，國台辦亦宣布八項惠台新政策，希望推動內地企業赴台投資，相信一眾相關概念股今日仍不乏追捧。
（小尾）