雖然目前人類對豬流感（H1N1甲型流感）仍未有免疫力，但各地股市早對流感擴散免疫，昨日亞太區股市勁升，港股亦升逾5%，成交額增至803億元。恒指三個交易日升逾千八點，古晨都有啲戒心，不過個市未死得，炒鬼梗要放膽入場。
不過，大膽還大膽，都要做好風險管理，揀落後股份較穩陣。光大國際（00257）屬環保股，呢期最當炒係內房同資源股，光國當然無乜人吼，其股價在2元之下整固，昨升近4%，走勢再度轉強，加上成交增加配合，值得留意。
截至去年底，集團已建22個項目，總投資額57億元，仍未計及去年底才投得的濟南垃圾焚燒發電項目，及濟南西客污水處理項目。據國家環保局推算，在「十一‧五」規劃期間，內地環保產業可保持年均15%至17%增速，到了二○一○年，環保產業年產值可達8,000億元人民幣，為光國帶來龐大商機。
古晨