本文重點
現時經濟差，金融機構都以慳錢為目標，特別係研究部門呢類「花錢中心」嘅業務，不過凡事都有例外，好似美銀證券研究部尋日就出稿，話增聘3名資深分析師，加強大中華區研究團隊實力咁話，仲話呢3人嘅研究經驗共達36年。
研究部添三猛將
新加入美銀證券美林研究部嘅3人，分別係出任亞太區能源證券研究主管嘅黃康民，佢之前喺Och-Ziff任職基金經理，亦曾任瑞銀集團石油研究主管；第2位係擔任亞太區公用事業研究主管嘅陳錦池，佢曾於瑞士信貸、雷曼兄弟和摩根士丹利任職；第3位係出任大中華區採礦及金屬研究部主管嘅張峰，佢之前喺摩根大通工作，研究中國金礦股長達4年。
美銀證券美林研究部亞太區主管Joe Osha話，新加入美林研究部嘅3位人員，研究經驗「加埋」共有36年，覆蓋區內各大行業，未來肯定能為客戶提供更深層次理解和分析。而自今年以來，公司喺亞太區已增聘共6位證券分析師。
余絲韻