本文重點
金融海嘯有危亦有機，唔少投資高手都自行「下海」搵真銀！最新例子就係瑞信集團喺北京嘅董事總經理朱雷，據悉佢已離職，準備自行搞檔私募基金，規模仲高達90億元人民幣，實行好似佢同行嘅高盛前合作夥伴方風雷咁，自己落場炒番轉。
兩基金規模共90億
剛於去年九月才由德銀過檔瑞信嘅朱雷，計劃為兩隻私人股票基金分別籌集45億元人民幣資金，對象包括個人及國營企業，當中一隻基金會主力投資基建項目及公用事業，此外亦計劃向海外投資者籌集2億美元。
市場人士話長遠嚟講，自行搞私募基金嘅回報，肯定好過幫投資銀行打工，加上喺金融海嘯下，銀行派嘅花紅有減無加，未來只會有更多內地銀行家自行搞私募基金，肥水不流別人田。而自今年二月以來，瑞信亞太區已有3名高層行政人員離職。
余絲韻