市場憧憬經濟情況有所好轉，因此尋日航運同港口股繼續做好，當中走勢最好非中海集運（02866）莫屬，全日升逾13%，收報2.02元。此外，汽車股表現亦唔錯，皆因尋日內地就有消息指，首兩個月的汽車銷量已達156萬輛，而美國今年首季汽車銷量總數只有220萬輛，故認為今年內地汽車市場首季銷量將會首次超越美國，成為全球第一。
至於港股，恒指昨日曾一度上破15,000點水平，惜及後升幅收窄，最終以2點之差，暫與15,000點水平揮手道別，就略嫌有所美中不足。
另方面，尋日中國國務院就剛發布新醫改意見，內容主要都係圍繞「建立健全覆蓋城鄉居民的基本醫療衞生制度」以及「改革整個內地的醫藥衞生體制」，雖然今次講的都只係意見，而且國家尚未有任何實質措施出台，但就相信相關醫藥股今日都將會有一番炒作。
（小尾）