播放本新聞相關短片
 
股價號碼: 

絲絲講場:中投谷交流增透明度

自從內地成立主權基金中國投資公司後,中投嘅一舉一動都成為外界關注重點,而歐、美官員更加係成日擔心中國會藉住中投吞併歐美企業。

促進投資 互補長短

有見及此,中投一向都想增加透明度,以消除大家嘅疑慮,最近中投監事長金立群仲做埋主權財富基金國際論壇嘅副主席,喺兩年嘅任期內會致力增加國際社會對主權財富基金投資行為的理解。

呢個主權財富基金國際論壇,其實係由全球主權財富基金國際工作組喺今個星期一成立嘅自願性質組織,目的除咗加強主權財富基金之間嘅交流,仲要增加國際社會對主權財富基金投資行為的理解,同埋促進建立同維護公開、公正、良好嘅國際投資環境。

呢個論壇嘅主席會由澳洲未來基金主席大衞‧莫雷出任,金立群同科威特投資局局長巴德爾就會做副主席。

其實近期國際金融市場風高浪急,投資稍有差池都可能損手爛腳,相信各位主權基金揸弗人亦都會借呢個平台交流吓投資心得,互補長短。

今年十二月底匯控目標價多少?
詳情瀏覽on.cc《請即投票》

匯控供股制唔過?專家教路散戶必睇!
詳情瀏覽on.cc《匯控供股自保攻略》

余絲韻