鍾晴「綺夢」上身 濃妝谷胸誘宅男
憑無綫旅遊節目《3日2夜》彈起的藝員鍾晴走甜美路線，其實亦是有料之人，不時於社交網上載出海滑水、遊船河的水着靚相。不過近日她一改少女形象，突然轉玩狂野性感，大騷女人味。
日前網晒一輯寫真相，罕有化上特濃眼妝的她，以低胸Tube dress婚紗上陣，谷出事業線兼大騷香肩，更以喱士若隱若現施展透視誘惑，又以雙手托腮，以手指輕撫紅唇，施展迷人電眼放生電。不過最搶眼的，要數她高舉雙手，擺出「騷胳肋底」甫士的造型，十足周星馳電影《賭聖》中的「綺夢」上身般，實行大玩「綺夢」式風情冧死宅男。網民大讚她此造型充滿新鮮感，並表示「爭啲唔認得你」、「簡直眼前一亮」、「靚到不得了」。
鍾晴接受本報訪問，提到新造型獲網民好評，她說：「冇諗過輯相咁大回響，原意係想畀大家睇吓原來鍾晴都有另一面，都有好多唔同意見，有人就話太濃妝，但我覺得可以有唔同一面，最緊要畀到大家驚喜。」