宇宙最強唔易做 甄子丹拔罐「維修」
「宇宙最強」甄子丹現於德國拍荷里活新片《殺神John Wick》第4集，出名打得的他亦有「維修」時候。他網晒接受拔罐療程的相片，背部被25個罐吸實，他表示作為動作英雄絕非易事，老婆汪詩詩即留言叫他好好休息。
另外，子丹與謝霆鋒於英皇電影《怒火》在北京道槍戰的戲份，於鰂魚涌搭景拍攝。子丹受訪時透露此乃近年港產片難得的場面：「呢度搭咗尖沙咀北京道同廣東道街景，除咗拍廠景，都有實景，部分鏡頭移師北京道拍，好難申請，係近年港產片好難睇到。」霆鋒亦說：「香港電影好耐冇一部火力十足嘅戲，單係呢個場景差唔多開近萬發子彈，每日開槍花費都幾十萬，加上我從小開始追丹爺嘅戲嚟學習，可以再合作係好開心嘅事。」
