范莎莎做導師 執靚亞姐佳麗

前亞姐范莎莎前晚出席《亞洲小姐競選2021》招募活動，講到心目中的美女標準，她認為除外貌之外，也要有智慧。今屆將有18位入圍佳麗，她們分成3組，分別由3位師姐級亞姐作導師，范莎莎也是導師之一：「好多嘢想傳授畀啲師妹，例如談吐同儀態。（太多港女？）未必一定係港女嘅，只係講嘢或着衫比以往自由啲，香港有四方八面嚟嘅人，我哋都係想以亞姐嘅身份教番靚佢哋，我參選當年都好想有個師傅教我哋。」同場的亞視執行董事陳偉傑指已收到60名佳麗報名，明天會舉行初步面試。