考瑜伽導師牌挑戰自己
陳靜心目中另一個伯樂古天樂，經常鼓勵她自我增值，又分享做人處事的道理，她說：「佢成日教我無論睇嘢或做人，都要全面同立體啲，多啲增值。最近我完成咗200小時瑜伽導師課程，成功考到牌，意義唔只考牌咁簡單，而係自我挑戰！」
除努力在影壇發展外，她今年的另一目標是出新歌，自誇歌喉不俗的她說：「以前我病，情緒唔好，係因為慣咗報喜不報憂，唔會同家人或朋友分享唔開心嘅嘢，久而久之累積到某個程度就會爆發。我想透過新歌帶出訊息，就係要同你嘅親朋分享苦與樂，要識得剛柔並重，唔需要成日死撐做女強人，有時都要識得做吓小女人，令身邊嘅至愛了解你多啲。」