預告入營湊候選港姐 何依婷升呢大騷鐵腳 有得食「阿姐炒飯」

歌手Gin Lee（李幸倪）、泳兒、菊梓喬、關心妍、譚嘉儀等昨日為籌款騷《明愛暖萬心》宣傳，何依婷與林溥來將擔任節目大會司儀。記者打趣指何依婷「升呢」成大騷常用司儀，她謙稱只是偶然：「今次仲有汪明荃，佢每次騷前都會去餐廳叫隱藏版『阿姐炒飯』畀我哋食，又會準備水果。」

講到今屆候選港姐前日首次晤傳媒，她表示亦有留意，惟因28位佳麗人數眾多，暫時未對任何人有深刻印象，但透露下星期會與一眾師妹入營兩星期：「會同佢哋分享貼士，最緊要係有自信、發自內心鍾意自己、唔好自卑，咁先凸顯到自己嘅優勝之處。（咁多女仔共處擔心多是非？）我覺得對佢哋係個好好嘅體驗，學習到群體相處，相信大家都係心地善良，唔好有太多惡意競爭。」

Gin Lee唱鄧麗君有壓力

而Gin Lee預告會於籌款騷當晚跟中樂團合作演唱《月球下的人》及鄧麗君金曲《我只在乎你》，直言要唱鄧麗君的歌有少許壓力。講到《聲夢傳奇》總決賽在即，身為導師的她坦言開始感不捨，同時亦替學員緊張，但不會表明撐哪位學員，以免給他們增添壓力。