出Po表明想離家出走 陳柏宇符曉薇鬧婚變?

與歌手陳柏宇(Jason)結婚4年的符曉薇,網上爆Seed稱大感委屈,甚至想離家出走,直指當初在冇求婚、冇禮金、冇過大禮的情況下結婚,發文引起極大回響。對於釀出疑似婚變風波,兩夫婦昨日澄清絕無此事:「夫妻鬧交好正常!」

符曉薇前晚開網上直播時談到曾被老公Jason激親,直播結束後在網上交代來龍去脈,指有感常被老公挑剔,曾嬲到想離婚:「我乜都唔要就嫁畀你,冇求婚、冇禮金、冇過大禮,仲將自己嘅金器畀晒你賣,因為我一路覺得你值得,值得我乜都唔要,淨係要你。我以為你都係咁,你會珍惜我,點知聽到原來我畀咁多壓力你,嗰刻我真係想離開。希望以後就算唔稱讚,都唔好踩到一文不值。」雖然她很快就刪掉發文,但已被網民截圖,並引起極大回響,擔心2人感情有變。

其實符曉薇的發文是回覆老公的千字文,因為他們吵架後,Jason打了千字文道歉,承認「講嘢唔經大腦」、「把口尖酸刻薄」,又承諾會以餘生去證明太太是不可取代的。

廣告商考慮撤換

對於鬧出疑似婚變風波,符曉薇立刻發文「補鑊」,讚老公可付託終身,昨日2人更齊齊開直播否認婚變,直言有廣告商以為他們要離婚,正考慮是否把廣告抽起。他們指事件愈鬧愈大,故再強調:「夫妻鬧交好正常,只係被煲大,絕對冇離婚!」

Jason昨日回覆本報,指吵架後太太嬲了整天,但現已和好如初:「氹番之後,佢做Live時,粉絲叫將我氹佢篇文公開。我唔驚佢離家出走,我好熟佢,我哋天生一對。」對於賣金器,符曉薇表示是因為早前見金價高才賣掉。她又指老公的千字文令她感動,因為對方不太懂中文,但仍用中文表達歉意,而且沒錯字,誠意可嘉。