英國模特兒女星Emily Ratajkowski昨日30歲生日，日前她在社交網上載穿比堅尼抱着3個月大兒子Sylvester的度假照，豈料遭網民洗版式留言，批評她抱BB的姿勢錯得離譜！
相中她單手抱住兒子，BB的頭側埋一邊，睇見都牙煙！有網民批評她罔顧幼兒安全，又斥她當兒子是拍攝道具：「BB仔唔係你嘅社交網陪襯品。」Emily事後關閉該照片的留言功能，但網民繼續咬住唔放，在她上載的另一張新相繼續留言，有人直言：「喂姊妹，去學吓點抱BB啦！」