藝人海俊傑與經理人公司老闆顏培意，昨日出席舞蹈學校開張活動，後者捐出10萬元作培訓舞界新人。海仔直言很想再於舞壇獻技，不過被老闆踢爆忙個不停：「佢今朝先練完幾個鐘拳，仲跳舞？」
正苦練西洋拳的海俊傑，備戰無綫全新真人騷拳擊節目，他說：「我知有15、6人參加，分開男女子組作賽，月中先打一場，睇吓邊個入到圍再見觀眾。關嘉敏入女子組，佢仲慘過我，參加埋另一個街舞節目，真係忙到冇得瞓。」
