薛家燕開心抱男孫 唔捨得放手

薛家燕最近升呢嫲嫲，新抱一索得男！昨日她與兒子石耀庭在港安醫院見傳媒時分享喜悅，她透露孫仔重7磅半：「佢好大隻，個樣就似爸爸，酒窩就似我，佢出世我成個人安樂晒。」石耀庭表示為兒子改了英文名Julian：「個仔把聲似我阿媽，喊起嚟夠晒響。」
薛家燕讚孫仔精靈可愛。
薛家燕讚孫仔精靈可愛。

家燕笑言會減少工作來湊孫，現時抱起孫兒捨不得放低：「BB好健康，見佢喊抱起就唔喊，我問醫生係咪認得我，醫生話冇咁快，扭抱啫。」問到可有學餵奶？她笑言：「BB食人奶，所以我冇得餵。」

石耀庭夫婦為兒子改了英文名Julian。
  • 石耀庭夫婦為兒子改了英文名Julian。