黃智雯恨演聰明奸角
資深藝人許冠文、汪明荃與黃智雯昨日出席活動，許冠文表示在疫情下學懂珍惜：「依家最快樂就係想除咗個口罩，但係唔得。」又指最近弟弟許冠傑肥了不少，因對方近期零工作，將來一切回復正常，是一件很幸福的事。
汪明荃早前在無綫節目《好聲好戲》為後輩發聲，寄語無綫監製應該用人唯才，她說：「我睇到好多同事喺公司好多年好努力，但連一個好角色都冇機會試，所以有感而發。」而黃智雯很感激汪明荃為後輩發聲：「我好認同佢所講，演員其實有好多潛能同埋可能性，可以被發掘，我都好想演一啲深沉嘅角色，或者係大奸角、好聰明嘅角色。」
