AK喪食要還 爆姜濤唔願郁
人氣男團MIRROR成員AK昨日為跑步活動拍攝宣傳片，他表示未試過跑馬拉松，最長只跑過3,000米，並自嘲成績不是很理想，因為用錯短跑戰術。又指早前舉行演唱會後狂打邊爐，幸好保得住腹肌：「自己想Keep吓，因為下年年頭要拍劇，放肆夠會復操番。」
他透露之前與隊友一齊去健身室做Gym，但現在要齊人就很難，因大家各有各忙，並踢爆姜濤最唔肯郁、Jeremy行動力比較低。講到Ian騷後表示冇得騷肌好遺憾，AK大爆內幕：「原先佢有份騷，但Rundown最後有變先取消，其實佢好鍾意露，只係扮晒嘢話守身如玉，希望下次大家可以一齊除衫！」對於姜濤日前在社交網「放負」，AK表示眾人有Send訊息關心他，會給予時間及空間。