蕭正楠:當佢長者看待

曹永廉於圈中人緣甚佳,與蕭正楠、黎耀祥等更是老友鬼鬼。蕭正楠得悉阿廉的情況後,即抵死地說:「嘩,原來佢啲暗病大家都知道晒喇,以佢嘅年紀同體質,能夠拍到依家都好了不起o架喇!所以,希望第時啲同事排通告畀佢,當佢長者咁看待,盡量遷就吓佢,唔好太早開工,亦唔好太夜收工,畀多啲時間佢休息,佢身體就會好快冇事。」

而陳敏之表示:「真係唔知(通波仔),平時見佢嘻嘻哈哈玩到癲。」不過她指跟對方合作主持《流行經典50年》時,已知他有耳水不平衡:「佢時不時就頭暈,我有提佢,始終有番咁上下年紀,要Check住身體。會同佢老婆傾吓,睇有冇乜嘢可以煲畀佢食,大家識咗咁耐,希望佢身體好。」

而剛與阿廉合作拍劇的何廣沛表示:「之前同佢拍《異搜店》睇唔出佢有問題,呢幾日喺廠見到佢都係同平時一樣咁精靈。聽完佢嘅情況有少少擔心,希望佢已經冇事,繼續元氣滿滿。」至於好友黎耀祥表示知道阿廉曾做通波仔手術,但指情況不算太嚴重,並代好友報平安,着大家不用擔心。